「蘋果日報報導」Eric Kwok 因為喺網上貼出ViuTV《全民造星》節目相片,同時又以“Raise ur hand if you are not gay!”(如果你不是同性戀者,請舉手)問參賽者,搞到被圍插,就連「關懷愛滋 AIDS Concern」嘅fb都發聲明回應,搞到Eric Kwok即時删post兼道歉




關懷愛滋 貼文

導師Eric Kwok(郭偉亮)日前在社交網開post,稱問參賽者 “Raise ur hand if you are not gay!”(如果你不是同性戀者,請舉手)引來關注,直指他不應以性取向當成笑話或呃like。由於該post廣受注目,故昨晚Eric Kwok之將之刪除。




今午Eric Kwok在ig撰長文,解釋事件始末,表示佢當日其實係問咗班參賽者幾個問題,包括:「是否仍是處男?」、「有冇喺fb買like?」、「有冇試過性騷擾其他人?」等等,不過佢就只係拎咗“Raise ur hand if you are not gay!”嚟出Post咁解。Eric Kwok強調自己絕非恐同,亦抱歉今次誤會令人不快。

其後Eric Kwok再接受《蘋果》電話訪問時再稱冤枉,又稱「係應該寫清楚啲,唔係好容易令人誤會成件事」。

Eric Kwok表示:「其實嗰個係教學員點樣對住傳媒應對尖銳問題,例如有冇買票呀、有冇騷擾或者抽水其他啲學員,又或者問姜濤係咪處男。嗰日係同阿芝(卓韻芝)一齊問啲咁震撼嘅問題,主要係想睇吓佢哋有乜嘢反應。咁我今日唔問,遲早都有人問呢啲問題,無論你係基定唔係基,因為大家都將會係公眾人物,所以咪喺呢個情況吓去問。」

「從來都冇諗住係玩,亦唔會攞呢啲嚟玩,因為我有好多基嘅朋友。我喺美國長大,不知幾清楚人權。但係點解會喺呢個場合講?因為我覺得係對班學員有用。」




Eric Kwok稱,當日同學員呢個分享,令佢本人亦留下深刻體驗,所以先至喺社交網分享。咁點解句句都唔share、偏偏只係引述關於同性戀嗰句?他稱:「咁我唔想講太多嘢,只係post咗嗰一句,咪令大家有呢個誤會,令大家覺得我係一個性別岐視,對啲學員唔好,但係其實唔係。我自己都有啲唔好意思,我唔係想令人唔開心,成件事都係for一個騷,想啲學員學到嘢。」

最後Eric Kwok話:「我要多謝嗰啲有抨擊我嘅人,佢哋明白呢啲說話喺某一個場合係有意思,多謝嗰啲人明白我Eric Kwok係唔會攞呢啲嘢嚟開玩笑。」
一直關注性小眾社群嘅藍奕邦,身在外地都忍不住於網上發千字文質問Eric Kwok,藍奕邦以英文撰寫公開信,長達四頁紙,信中開首佢就話今次咁認真寫公開信,係因為覺得Eric唔係口快快,而係慣犯。藍奕邦講番之前同佢合作,平時單獨談話好地地,但一有其他人,或者傳媒在場時,就開始喺藍奕邦面前講啲取笑佢嘅同性戀笑話,一啲就算係藍奕邦密友都唔會公開講嘅說話。

Eric Kwok 道歉貼文

藍奕邦再說,起初都冇乜為意,但Eric三番四次咁講,慢慢覺得係有敵意,覺得被欺凌。信中藍奕邦指「自己百思不得其解,點解Eric成日咁做?點解成日對住我咁做?佢討厭我?佢恐同?定佢覺得同性戀好得意?佢同其他人係咪都係咁講嘢?我曾經做錯嘢得罪佢?」之後,藍奕邦話自己全冇頭緒,慢慢開始怕同Eric合作。

信中藍奕邦問Eric:「點解你咁關注我嘅性取向?點解你咁留意別人嘅性取向?點解同性戀係咁大件事令你要第一句就問班參賽者?最重要係,點解你覺得呢啲嘢好有趣?」藍奕邦再話覺得迫人哋出櫃,行為邪惡。」

大愛同盟成員兼DJ梁兆輝亦有轉貼藍奕邦嘅文章,並謂:「原來不是無心之失,而是repeat offender。就近日郭偉亮被(備)受抨擊的網上言論,藍奕邦寫了一封給Eric Kwok的公開信,內容談及恐同意識、性向歧視和欺凌,更分享過往跟Eric Kwok交往時,屢遭對方欺凌的個人經驗。」

以下是藍先生的公信開。(IG)